A seriyaning qayta boshlanishi noma'lum muddatga kechiktirildi

Italiya A seriyasi rahbariyati bugun Italiya futbolchilar kasabi uyushmasi bilan birga videokonferentsiya o'tkazdi. Unda tomonlar mavsumni davom ettirish hamda maoshlarni qisqartirish masalasini muhokama qilishdi.

Maosh borasida yakdil qarorga kelinmadi. Ushbu masala keyinroq yana ko'rib chiqiladi.

Mavsum esa, insonlar hayoti uchun xavf yo'qolmaguncha, qayta boshlanmaydi. Avvalroq A seriya may oyi so'ngida chempionatni davom ettirishni rejalashtirayotgan edi. Ammo bu g'oya o'z kuchini yo'qotdi.