«Tottenxem» barcha xodimlarni ta'tilga yuborib, maoshlarni qisqartirdi

«Tottenxem» klubi barcha 500 nafar xodimlarni ta'tilga yuborishga qaror qildi. Shuningdek, ularning aprel va may oylarida maoshlari 20 foizga kamaytiriladi.

Klub ish o'rinlarini saqlab qolish maqsadida shunday yo'l tutishga majbur bo'ldi. Ushbu qaror futbolchilarga taalluqli bo'lmaydi.

«Tottenxem» bunday yo'l tutgan APLning ikkinchi jamoasi bo'ldi. Birinchi bo'lib «Nyukasl» shunday chora qo'llagan edi.