Mamlakat futboli quyi pog'onalarsiz "yuqoridagilar" rivojlana olmaydi

"Bavariya", "Borussiya" Dortmund, "Leyptsig" va "Bayer" klublari koronavirus vaqtida birinchi va ikkinchi liga klublarini qo'llash uchun 20 million ajratishgani haqida o'qigan bo'lsangiz kerak.

Shu kabi xabarlarni o'qisam, ikkinchi jahon urushida ishg'ol etilgan mamlakat nima uchun shu darajaga chiqqani-yu, urushda g'olib bo'lgan ulug' bir mamlakat futbol klublarini hali ham davlat yoki davlat hisobiga boyib olgan odamlar moliyalashtirayotganini tushungandek bo'laman.

Mamlakat futbolining quyi pog'onalarisiz yuqori qatlam rivojlana olmaydi, buni nemislar tushunadi. Futbol sog'lom bo'lishi uchun, nafaqat uning boshi, balki oyoqlari ham ishlashi kerak. Bizda esa shuning aksi, ko'proq boshni rivojlantirish haqida o'ylaymiz va boshqa organlar haqida unutamiz.