Najmiddin Normurodovdan achchiq haqiqatlar: "Futbolda tanish-bilishchilik bor va u hozir avjiga chiqqan desam ham adashmagan bo'laman"
/ Kiritdi: BestMaster Ko'rilgan: 256
"Surxon" matbuot xizmati Najmiddin Normurodov bilan intervyu uyushtirdi. Quyida mazkur suhbatni ehtiboringizga taqdim etamiz.
- Najmiddin Normurodov shu kunlarda nimalar bilan band?
Shu kunlarda hamma qatori karantinda, uyda o'tiribman. Imkon qadar, qo'limdan kelgancha uyda jismoniy mashqlarni bajarib borayabman.
- Superliga 1 turida "So'g'diyona" darvozasiga super gol kiritdingiz. Bu qanday sodir bo'ldi? Gol urgach, juda emotsiyada bir nechta so'zlarni ishlatdingiz. O'shanda nima dedingiz?
Albatta o'sha vaziyatda hursandchiligimni yashira olmadim. Chunki, bilasizmi bu Superligadagi ilk golim edi. Goldan so'ng gapirgan gaplarimga keladigan bo'lsak to'g'risi esimda yo'q nima deganim. Emotsiyada odam nimalar demaydi.
- Nega "Surxon" jamoasini tark etdingiz?
Men "Surxon" jamoasini tark etganim yo'q. Aksincha, "Surxon" jamoasi meni qo'yib yubordi desak to'g'riroq bo'lardi. Shundan so'ng, "Mash'al" jamoasi safiga borib qo'shildim va jamoa bilan 2 yillik shartnoma imzoladim.
- 2017 yili "Surxon" jamoasiga sizni aynan kim taklif qilgan?
2017 yili "Nasaf" jamoasida to'p surib yurgan paytlarimda "Surxon" jamoasiga meni taniqli murabbiy Vali Keldiev taklif qilgan. Surxondaryoga futbolni qaytarishimiz kerak, yordaming kerak degani uchun Vali akani taklifiga rozi bo'lganman.
-Qaysi murabbiyning uslublari sizga ko'proq yoqadi?
Albatta hamma murabbiylarning ishini hurmat qilgan holda, menga ko'proq Ro'ziqul Berdiev va Asror Aliqulovlarning o'yin uslublari yoqadi.
- Futbolda tanish-bilishchilik bormi?
Futbolda tanish - bilishchilik bor va u hozir avjiga chiqqan desam adashmagan bo'laman.
- Futbolchilik faoliyatingizni yakunlagach, murabbiy bo'lasizmi? Umuman, kelajakdagi rejalaringiz?
Kelajakdagi orzularim judayam ko'p. Lekin murabbiy bo'lish niyatim yo'q. Avvalo barchasi xudodan peshonada yozilgani bo'ladi. Lekin men kelajakda tadbirkor bo'lmoqchiman.
- Murabbiylar hech bir sababsiz futbolchini atay zaxirada ushlab turishi mumkinmi? Siz bunga nima deb javob berardingiz?
Shunaqa bo'lishi ham mumkin. Buning uchun murabbiy bilan tortishib qolgan yoki nimadir bo'lishi kerak. Lekin o'sha bolaning o'zi zo'r, kuchli yoki boshqalardan bir kalla ustun bo'lsa uni hoxlagan yomon ko'radigan murabbiy ham zaxirada ushlamaydi.
- Siz "Nasaf" futbol klubi tarbiyaluvchisi hisoblanasiz. Aytingchi "Nasaf" jamoasiga sizni kim taklif qilgan?
Surxondaryoda futbol maktabi yani internatda o'qib yurgan paytlarim 2010 yili Boxodir Annamatov meni "Nasaf" futbol akademiyasiga olib borgan.
-"Nasaf" jamoasi o'yinlarini hozir ham kuzatib borasizmi?
"Nasaf" jamoasi o'yinlarini albatta qoldirmasdan ko'rib boraman.
- O'sha 2017 yili "Nasaf" jamoasidan ketganingizga afsuslanmaysizmi?
"Nasaf"dek jamoadan ketgan har bir o'yinchi afsuslanadi. Lekin men hozir o'ylab ko'rsam ketish jamoadan ketgan bo'lsamda o'sishga erishdim desam adashmagan bo'laman.
- "Nasaf" jamoasi murabbiyi Ro'ziqul Berdiev bilan munosabatlaringiz qanday?
Ro'ziqul Berdiev bilan aloqalarim yomon emas. Lekin qo'ng'iroq qilib doimiy aloqada bo'lib turmaymiz. Albatta ko'rishib qolgan paytimizda iliq salomlashamiz.
Manba: Surxon matbuot xizmati