Iguain yaqin soatlar ichida «Chelsi» a'zosiga aylanadi

“Milan” hujumchisi Gonsalo Iguain yaqin vaqtlar ichida “Chelsi”ga o'tishi mumkin.

Bu haqda taniqli jurnalist Janluka Di Marsio xabar bermoqda. “Chelsi” mavsumning yarmini “Milan”da o'tkazgan Gonsalo Iguainni “Yuventus”dan 6 oylik ijara kelishuvi bilan o'z safiga qo'shib oladi.

Agar Gonsalo jamoaga yaxshi kirishib keta olsa, ijara muddati yana bir yilga uzaytiriladi. Bitimda shunday band bo'lishi ko'zda tutilgan.

Ma'lumot uchun, Iguain «Milan» safida joriy mavsum 22 ta o'yinda 8 ta gol urdi.