Furqat Mustafoqulov: «Surxondaryo bolalar va o'smirlar futbol akademiyasida tabiiy gaz muammo...»

Surxondaryo viloyat bolalar va o'smirlar futbol akademiyasi direktori Furqat Mustafoqulov "Surxon" klubi matbuot xizmatiga intervyu berdi.

— Futbolchilik faoliyatingizni qachon boshlagansiz?
— Futbolchilik faoliyatimni 13 yoshimdan boshlaganman. "Surxon" klubida 1995 — 2000 yillarda to'p surganman. So'ngra og'ir jarohatdan keyin murabbiy bo'lib futbol maktab internatida ishlaganman.

— Qachondan Surxondaryo viloyat bolalar va o'smirlar futbol akademiyasiga direktor bo'ldingiz?
— 2018 yil 20 iyuldan boshlab Surxondaryo bolalar va o'smirlar futbol akademiyasida direktor bo'lib ishlab kelmoqdaman.

— Bugungi kunda futbol akademiyada sharoitlar qay darajada?
— Sharoitlar yomon emas. Faqat shu tabiiy gaz muammo. Qishda bolalarimiz biroz qiynalishadi.

— Futbolchilar futbol akademiyasiga qay tartibda tanlab olinadi?
— Asosan selektsiya ishlari bilan. 3 nafar selektsioner murabbiylarimiz bor. Futbolchilar asosan umumiy o'rta ta'lim maktablaridan, BO'SMlardan  saralab olinadi.

— Akademiya direktori sifatida kelajakda nimalarni o'zgartirish niyatingiz bor?
— Akademiyani moddiy texnikasini, bazasini rivojlantirish, sun'iy qoplamali maydon qurish, murrabbiylarni malakasini oshirish, tumanlarda futbolni ommaviyligini oshirish niyatim bor.

— Bugungi kunda Surxondaryoda futbolchi etishib chiqmayotganligi nima sabab bo'lmoqda deb o'ylaysiz?
— Surxondaryo — futbolchilar yurti. Hozirgi kunda O'zbekistonning bir qancha klublarida viloyatimizda etishib chiqqan futbolchilar, Superliga bahslarida  ishtirok etib kelmokda. Hozirgi kunda akademiyaning 24 nafar o'quvchilari U-18 va U-21 musobaqalarida o'ynab kelmokda. Ishonamanki, 1-2 yildan keyin ushbu futbolchilar asosiy tarkibga jalb qilinadi.

— Futbolchi bo'lib etishish uchun aynan futbol akademiyasida tahsil olish shartmi?
— Hozirgi kunda terma jamoalarimizga jalb qilinayotgan asosiy futbolchilar "Bunyodkor", "Nasaf", "Paxtakor","Mashal", futbol akademiyalardan  etishib chiqqan futbolchilardir. Hududiy Akademiyalar o'rtasida 4 ta yoshlar toifasida o'quvchilar o'rtasida O'zbekiston chempionati, Kubogi tashkil qilindi. Ushbu musobaqalardan o'quvchilar terma jamoalar murabbiylari tomonidan nazorat qilinib, saralanib olindi. O'quvchilar akademiyada tahsil olishi shart deb bilaman.

— Bugungi kunda akademiyada tahsil olgan futbolchilarning birortasi Superliga asosiy yoki o'rinbosarlar tarkibida bo'lsa ham to'p surayaptimi?
— Yuqorida ta'kidlab o'tganimdek, akademiya tahsil olayotgan  24 nafar o'quvchilar  "Surxon" futbol klubimizda viloyatimiz sha'nini himoya qilib kelmokda.

— Akademiya maydoni talab darajasida emas. Bu bo'yicha biror chora-tadbirlar ko'rildimi?
— Akademiyada 2ta tabiiy  maydon mavjud. Hozirgi kunda maydonlar talab darajasida. Maydonni hozirgi kunda sug'orish ishlari olib borilmokda.

— Akademiyada futbolchilarning dam olish xonalari talab darajasidami?
— Akademiyada futbol o'yinlarini tahlil qilish xonasi, o'quvchilar bo'sh vaqtlarida kompyuter o'ynashi uchun maxsus xona, dam olish uchun alohida xonalar mavjud.