"Liverpul" futbolchisi Rossiya chempionatiga yo'l olishi mumkin

Football Insider nashrining yozishiga qaraganda, “Liverpul” yarim himoyachisi Jerdan Shakiri yozda jamoani tark etadi.

Manbaning xabariga ko'ra, futbolchi xizmatiga bir nechta Evropa klublari qiziqmoqda. Ular orasida Moskvaning TsSKA jamoasi ham bor.

Shuningdek, “Roma” va “Sevilya” klublari ham futbolchini o'z safiga qo'shib olishga tayyor. “Liverpul” Shakirining  transferidan 25 million evro ishlab olmoqchi.

Eslatib o'tamiz, joriy mavsum Shakiri jarohati sababli ko'p o'yinlarni o'tkazib yubordi.