FIFA o'yinchilardan maoshlarning ikki baravar kamayishiga rozi bo'lishlarini so'radi

FIFA rahbariyati Evropa klublar assotsiatsiyasi va o'yinchilar kasabi uyushmasi bilan birgalikda futbolda yuzaga kelgan vaziyatni muhokama qildi. Barcha tomonlar joriy vaziyatga moslashish kerakligi borasida yakdil fikrga kelishdi.

FIFA bergan takliflardan biri koronavirus pandemiyasi bartaraf etilmaguncha o'yinchilarning maoshini 50 foizga kamaytirish bo'ldi. Vaziyat normallashganidan keyin esa shartnomada ko'rsatilgan avvalgi holatga qaytish mumkinligi ta'kidlandi.

Shuningdek, FIFA futbolchilar o'z klublari safida mavsum oxirigacha qolishlarini istamoqda, hattoki ularning shartnomalari 30 iyun kuni yakuniga etsa ham.