Belarus chempionati. Yaxshiboev 1-tur ramziy jamoasidan o'rin oldi

Belarus futbol federatsiyasi rasmiy sayti Oliy liganing 1-tur yakunlari bo'yicha ramziy terma jamoani e'lon qildi.

"Energetik-BGU" klubi a'zosi Jasur Yaxshiboev ramziy jamoaning hujum chizig'idan o'rin oldi. O'zbekistonlik futbolchi BATEga qarshi o'yinda "dubl"ga erishdi. Bundan tashqari, Yaxshiboev Belarus chempionatining 1-turining eng yaxshi futbolchisi deb topilgan edi.

Belarus Oliy ligasi. 1-tur ramziy terma jamoasi:

Darvozabon – Aleksandr Filtsov («Smolevichi»);

Himoyachilar – Godfri Stiven («Isloch»), Aleksey Kovtun («Rux»), Gabi Kiki («Dinamo» Brest), Artem Skitov («Vitebsk»);

Yarim himoyachilar – Chidi Osuchukvu («Rux»), David Tve («Energetik-BGU»), Anton Matveenko («Vitebsk»);

Hujumchilar – Vladimir Xvashchinskiy («Minsk»), Jasur Yaxshiboev («Energetik-BGU»), Artem Serdyuk («Slutsk»).