OChL. «Paxtakor» guruhning qolgan o'yinlarni betaraf maydonda o'tkazadi

Osiyo futbol konfederatsiyasi qaroriga ko'ra, G'arb mintaqasida Osiyo chempionlar ligasi guruh bosqichining qolgan o'yinlari bir mamlakatda qisqa vaqt oralig'ida o'tkaziladi.

OFKdagi manbamiz bergan xabarga ko'ra, guruh bahslari imkon qadar neytral mamlakatda o'tkaziladi. Shunda hech bir klub ustunlikka ega bo'lmaydi. Tashkiliy qo'mita hozirda mezbonlik qilishi mumkin bo'lgan mamlakatlar bilan muzokara olib bormoqda.

Fevral oyida o'tkazilgan dastlabki 2ta tur natijalari saqlab qolinadi. Qolgan 4ta tur o'yinlari esa, yuqorida aytganimizdek, bir mamlakatda o'tkaziladi. Bu bahslari katti ehtimol bilan avgust oyiga belgilanadi.

"V" guruhida "Paxtakor"dan tashqari Saudiya "Al-Hilol", BAAning "Shabab al-Ahli" va Eronning "Shahr Xodro" klublari joy olgan. Dastlabki 2ta turdan so'ng "Paxtakor" va "Hilol" 6 ochko bilan peshqadamlik qilishmoqda.