Pepe Reynada koronavirus belgilari paydo bo'ldi

Huquqiy jihatdan «Milan»ga tegishli bo'lgan «Aston Villa» darvozaboni Pepe Reyna o'zida koronavirus belgilari paydo bo'lganini aytdi.

«Hafta davomida menda koronavirusga chalingan insonda bo'ladigan holatlar kuzatildi: quruq yo'tal, issiq harorat va nafas olishning qiyinligi. Hozir esa o'zimni yaxshi his qilyapman. Ispaniya, Italiya va Angliyadagi yangiliklarni doimo kuzatib boryapman. U erda tanishlarim ko'p. Shu bois, nimalar ro'y berayotganini va qanday qarorlar qabul qilinayotganini bilishim kerak.

Tavsiyalarga qanchalik ko'p amal qilsangiz, barchasi shuncha tez o'tib ketadi. Izolyatsiyaga jiddiy ahamiyat qaratish kerak. Ishonchim komil, yuzaga kelgan vaziyat bizni birlashtiradi va yanada kuchli qiladi», — dedi Reyna.