Karrager: «Barcha «Liverpul» chempion bo'lishini bilib turibdi»

Angliyaning «Liverpul» klubi sobiq himoyachisi Djeymi Karrager APLning bu yilgi mavsumi oxiriga qadar o'ynalishiga umid qilmoqda.

«Men mavsumni qaytadan boshlanishidan xavotirga tushayotganim yo'q. "Liverpul" joriy mavsumda birinchi o'rinni egallash uchun qancha kuch sarflaganini bilaman. Qanday qilib chempionatni davom ettirishdan bosh tortishayotganini tushunmayman. Hamma «Liverpul» chempion bo'lishini biladi. Klopp shogirdlari chempionlikni rasmiylashtirilari uchun ikkita uchrashuvda g'olib chiqish kerak, xolos.

Chempionatning tiklanish sanasini bilishni xohlayapman. Shundan so'nggina, keyingi mavsumda nima qilish kerakligi haqida o'ylash mumkin bo'ladi», — dedi Djeymi Karrager.