Aleksandr-Arnold: "Liverpul"ni hammadan ko'proq sevaman"

Angliyaning «Liverpul» klubi himoyachisi Trent Aleksandr-Arnold butun faoliyatini "mersisaydliklar" safida o'tkazishni istisno qilmadi.

— Men butun faoliyatimni bir jamoada o'tkazishni xotirjam tasavvur qila olaman. To'g'risini aytganda, men Ispaniya yoki Germaniya chempionatlarida to'p surishni xayolimga ham keltirmaganman. Men doim «Liverpul»ni yaxshi ko'rganman, bu jamoaning muxlisi edim, endi ushbu jamoa safida o'ynayapman. Aslida, jamoamni almashtirishga hech qanday asos yo'q. Men bu klubni hammadan ko'proq sevaman, muxlislarni, shaharni yaxshi ko'raman. Shunday ekan nega klubni almashtirish haqida o'ylashim kerak? — dedi himoyachi GQ bilan suhbatda.