Sardor Rashidovning yangi klubi bilan qancha muddatga shartnoma imzolagani ma'lum bo'ldi

O'zbekiston terma jamoasi va Toshkentning “Lokomotiv” klubi yarim himoyachisi Sardor Rashidovning Portugaliya chempionati ishtirokchisi “Nasonal” bilan qancha muddatga shartnoma imzolagani ma'lum bo'ldi. Bu haqda Portugaliya klubi o'z rasmiy sahifasida ma'lumot bergan.

“Sardor Rashidov – O'zbekiston terma jamoasi hozirgi avlodining yulduzlaridan biri hisoblanadi. Iqtidorli va jismonan kuchli bo'lgan Rashidov qanotlarda vingerlik qoyillatadi va shuningdek, hujumda ham birdek o'ynay oladi.

U o'z jamoasi va terma jamoasi tarkibida ajoyib o'yin ko'rsatdi. Hozirda O'zbekiston termasi Osiyo Kubogi musobaqasida yaxshi natijalarga erishishga ulgurdi.

O'zbekiston katta ehtimol bilan Osiyo Kubogining pley-off bosqichida ishtirok etadi. Sardorda tanlov ko'p edi: Saudiya Arabistoni, Qatar va BAA mamlakatlari klublaridan takliflar bo'lsa ham, Sardor o'z kuchini Evropada sinab ko'rishni istadi.

Bu esa albatta, bizni xursand qilmay qo'ymaydi. Sardor Rashidov “Nasonal” tarkibida 2,5 yil faoliyat olib borish sharti bilan ikki tomonlama kelishuvga imzo chekdi”, deyiladi “Nasonal” bergan rasmiy xabarda.

Eslatib o'tamiz, “Yuventus” futbolchisi Krishtianu Ronaldu “Nasonal” yoshlar jamoasida ikki yil faoliyat olib borgan. Rashidov bu jamoaga erkin agent sifatida ko'chib o'tdi.