"Dinamo" futbolchilari 29 martgacha karantinda qoladi

Kievning "Dinamo" klubi futbolchilari koronavirus sababli 29 martgacha karantinda bo'ladi deya xabar bermoqda klub rasmiy sayti.

Ukraina Vazirlar Mahkamasi 12 martdan 3 aprelgacha mamlakatdagi barcha o'quv muassasalarini yopdi va ommaviy tadbirlarni bekor qildi. Seshanba kuni esa metrolar ham yopildi. Mamlakat poytaxtida jamoat transportlariga niqobda bo'lgan o'n nafardan ortiq bo'lmagan yo'lovchilarni tashishga ruxsat berildi.

"Mamlakatdagi epidemiologik vaziyat sababli, "Dinamo"ning barcha a'zolariga karantin 29 martgacha uzaytirilishi haqida qaror qabul qilindi. Futbolchilar oldindan tayyorlangan dasturga muvofiq individual ravishda jismoniy formalarini ushlab turadi. "Dinamo" klubi rahbariyati va murabbiylar shtabi futbolchilardan karantin qoidalariga keskin amal qilishlarini va shaxsiy mashg'ulotlar o'tkazmasligini talab qilmoqda", - deyiladi klub bayonotida.