MLS. Messining goli va ikkita assisti «Inter Mayami»ga «Toronto» ustidan g'alaba taqdim etdi

MLS muntazam chempionati doirasida «Inter Mayami» safarda «Toronto» mehmoni bo'ldi. Qiziqarli va gollarga boy kechgan bahs floridaliklarning 4:2 hisobidagi ishonchli g'alabasi bilan yakunlandi.

Mehmonlar safida Lionel Messi haqiqiy shou namoyish etdi: 38 yoshli argentinalik yulduz o'z hisobiga bitta gol va ikkita golli uzatma yozdirib qo'ydi. Bu Messi uchun faoliyatidagi 907-gol sifatida qayd etildi. Shuningdek, «Inter Mayami»ning qolgan gollariga Rodrigo de Paul, Luis Suares va Serxio Regilon mualliflik qilishdi. Mezbonlar safida Emilio Aristasabal dubl qayd etdi.

Ushbu g'alabadan so'ng «Inter Mayami» ochkolari sonini 22 taga etkazib, Sharqiy konferentsiya turnir jadvalida ikkinchi o'ringa ko'tarilib oldi. «Toronto» esa 14 ochko bilan sakkizinchi pog'onada qolmoqda.