Osiyo Kubogi – 2027: O'zbekiston milliy terma jamoasining o'yinlar taqvimi bilan tanishing

Saudiya Arabistonida bo'lib o'tadigan Osiyo Kubogi – 2027 final bosqichi qur'a tashlash marosimidan so'ng, «B» guruhidan joy olgan O'zbekiston milliy terma jamoasining guruh bosqichidagi uchrashuvlari sanasi, vaqti va manzillari rasman ma'lum qilindi.

Tasdiqlangan taqvimga binoan, vakillarimiz guruh bosqichi doirasidagi o'yinlarini Saudiya Arabistonining uchta yirik shahri — Jidda, Xubar va Riyodda o'tkazishadi.

Milliy terma jamoamiz guruhdagi ishtirokini 2027 yilning 8 yanvar kuni Iordaniyaga qarshi bahs bilan boshlaydi.

O'zbekiston milliy terma jamoasining o'yinlar jadvali:

1-tur | 2027 yil 8 yanvar
O'zbekiston – Iordaniya
Stadion: «Qirol Abdulloh Sport Siti» (King Abdullah Sports City Stadium), Jidda shahri.

2-tur | 2027 yil 13 yanvar
Shimoliy Koreya – O'zbekiston
Stadion: «Aramco Stadium», Xubar shahri.

3-tur | 2027 yil 18 yanvar
O'zbekiston – Bahrayn
Stadion: «Qirol Saud Universiteti» (King Saud University Stadium), Riyod shahri.

Musobaqa reglamentiga ko'ra, guruhda birinchi va ikkinchi o'rinni egallagan jamoalar to'g'ridan-to'g'ri pley-off (nimchorak final) bosqichiga yo'llanmani qo'lga kiritadi. Shuningdek, 6 ta guruh ichida eng yaxshi natija ko'rsatgan 4 ta uchinchi o'rin sohiblari ham nimchorak finalda ishtirok etish imkoniyatiga ega bo'ladilar.