«Inter»ni to'xtatib bo'lmayapti: Kivu shogirdlari mag'lubiyatsiz seriyani 9 ta o'yinga etkazib oldi

Milanning «Inter» klubi Italiya A Seriya doirasida navbatdagi ishonchli g'alabasini qo'lga kiritdi.

36-tur bahsida Kristian Kivu shogirdlari «Latsio» jamoasini 3:0 hisobida mag'lubiyatga uchratdi.

Ushbu muvaffaqiyatdan so'ng «neradzurrilar»ning barcha musobaqalardagi mag'lubiyatsiz seriyasi 9 ta o'yinga etdi.

Milanliklar oxirgi marta 8 mart kuni «Milan»ga qarshi kechgan derbida (0:1) imkoniyatni boy berishgan edi. Shundan so'ng jamoa ikki bor durang o'ynadi va keyingi 7 ta uchrashuvning 6 tasida g'alaba qozonib, faqat «Torino» bilan ochko bo'lishdi.