"Borussiya" futbolchisi bilan yangi shartnoma imzolashni xohlamadi

Dortmundning “Borussiya” klubi yarim himoyachisi Mario Gyottse mavsum so'ngida “arilar” safini tark etadi. Bu haqda Bild nashri xabar tarqatdi.

Manbaning xabariga ko'ra, “arilar” 27 yoshli futbolchi bilan yangi shartnoma imzolamoqchi emas. Yozda futbolchi erkin agentga aylanadi.

Eslatib o'tamiz, joriy mavsum Gyottse “Borussiya” safida 19ta o'yinda maydonga tushib, 3ta gol urgan va 1ta golga assistentlik qilgan.