Peres Mourinoga necha yillik shartnoma taklif qilgani ma'lum

Madridning «Real» klubi rahbariyati Joze Mourinoning bosh murabbiylik lavozimiga qaytishiga to'liq ishonch bildirmoqda. Bu haqda insayder Nikola Skira xabar berdi.

Ma'lumotlarga ko'ra, «qirollik klubi» prezidenti Florentino Peres portugaliyalik mutaxassisga 2028 yilgacha mo'ljallangan shartnoma taklif qilgan. Agar Mourino ushbu taklifga rozilik bersa, «qaymoqranglilar» may oyi yakuniga qadar uning «Benfika» bilan amaldagi shartnomasini 3 million evro evaziga sotib olish imkoniyatini faollashtiradi.

Eslatib o'tamiz, hozirda «Real»ni Alvaro Arbeloa boshqarmoqda. La Liganing 34-turidan so'ng jamoa turnir jadvalida peshqadam «Barselona»dan 11 ochko ortda qolgan holda ikkinchi o'rinni egallab turibdi.