Aleksandr Gleb Messi va Ronalduning farqini aytdi

«Barselona» klubi sobiq himoyachisi Aleksandr Gleb zamonaviy futbol yulduzlari — Lionel Messi va Krishtianu Ronalduning o'ziga xos jihatlari haqida aytib o'tdi.

– Messi yoki Krishtianu Ronaldu?
– Iqtidor tomonlama – Messi. Mehnatkashlik jihatdan – Ronaldu.

– Umuman olganda-chi?
– Agar ular birlashtirilsa, jahonning eng buyuk futbolchisi yuzaga kelgan bo'lardi. Menga Messi ko'proq yoqadi. Ammo Krishtianuda bor narsa Messida yo'q.

Ronaldu shunday xarakter borki, u qaerga bormasin, etakchiga aylanadi va jamoani o'z ortidan ergashtiradi. U yutqazishni juda yomon ko'radi.

E'tibor bering, Ronaldu yutqazayotganida juda asabiylashadi, baqiradi. Leo esa yutqazsa ham xotirjam turaveradi.