«Neftchi» nazorat o'yinida «Turon»ni mag'lub etdi

14 yanvardan yana mashg'ulotlarga qaytgan Farg'onaning “Neftchi” jamoasi yangi mavsumga tayyorgarlikni davom ettirmoqda. Bugun kunning ikkinchi yarmida Yaypanning “Turon” jamoasi Qirguliga tashrif buyurdi hamda ushbu jamoaga qarshi 2 ta o'rtoqlik o'yini tashkil qilindi.

Birinchi o'yinda “Neftchi” U-18 futbolchilari “Turon” yoshlari bilan bellashdilar. Ushbu bahsda mezbonlar 6:1 natijasida g'olib bo'lishdi.

 Ikkinchi o'yinda “Neftchi” jamoasi aralash tarkib bilan harakat qildi. Unda Bahrom Haydarov shogirdlari Hamidullo Abduhamidov tomonidan kiritilgan yagona gol evaziga g'olib bo'lishdi. 1:0.

Ma'lumot o'rnida, o'tgan mavsumda “Istiqlol” tarkibida ijarada bo'lgan Hamidullo Abduhamidov hamda Asilbek G'oyibjonovlar “Neftchi”ga qaytarildi. O'yinda “Neftchi” murabbiylar shtabi jamoa yig'inida bo'lib turgan bir qator yangi futbolchilarni ko'rikdan o'tkazishdi. Farg'onaliklar “Turon”ga qarshi quyidagi tarkibdan foydalanishdi:

Asosiy tarkib: Farrux Turdaliev, Mirjamol Ne'matov, Asilbek G'oyibjonov, Jamshid Qobulov, Shaxzodbek Usmonov, Dilyor Irmatov, Ilhom Vaxobov, Ilhom Ibragimov, Doston Rashidov, Sherzod Hakimov, Hamidullo Abduhamidov

Zaxira: Shuhratillo Raxmonov, Xurshid Asqaraliev, Abdujalil Manazarov, Shohjaxon Ro'zimatov, Otabek Zokirov

“Neftchi” mashg'ulotlarni Qirgulida davom ettirmoqda. Jamoa oy so'nggida Farg'ona viloyati “Xokim Kubogi”da ishtirok etadi.