“Torino” etakchisi uchun ikki “A” Seriya klubi kurashadi

“Torino” hujumchisi Andrea Belotti jamoasini o'zgartirishga tayyor.

Football Italia nashrining xabariga ko'ra, futbolchi xizmatiga “A” Seriyaning ikki klubi “Napoli” va “Roma” qiziqish bildirmoqda.

Ma'lumot uchun, joriy mavsum 26 yoshli hujumchi 31ta o'yinda maydonga tushib, 15ta gol urishga erishdi. Futbolchining shartnomasida uning tovon puli 100 million evro etib belgilangan, biroq bu narx Italiya klublariga tegishli emas.