APLning davom ettirilishi 30 aprelga qadar kechiktirildi

Koronavirus tufayli to'xtab qolgan Angliya chempionatining qayta davom ettirilish muddati 30 aprelga qadar uzaytirildi. Ushbu qaror APL, Chempionship, Ligi 1 va Ligi 2 musobaqalariga tegishli.

«Angliya futbol assotsiatsiyasi qoidasiga ko'ra mavsum 1 iyundan kech qolmagan holda yakunlanishi kerak. Ammo FA rahbariyati ushbu muddatni 2019/2020 mavsum uchun uzaytirishga qaror qildi.

Shundan kelib chiqib, mamlakatdagi professional futbol o'yinlari kamida 30 aprelga qadar o'tkazilishi mumkin emas», – deyiladi Liga tarqatgan bayonotda.

Dastlabki qarorga ko'ra, chempionat uchrashuvlari 4 aprelgacha to'xtatilgan edi.

Bugungi kunga kelib Buyuk Britaniyada koronavirus bilan zararlanganganlar 2 642 kishini tashkil qilsa, 72 nafar inson hayotdan ko'z yumgan.