Italiya va Ispaniya chempionatlari 30 iyungacha oxiriga etkazilmasligi mumkin

Italiya va Ispaniya chempionatlarini, UEFA istaganidek, 30 iyungacha oxiriga etkazishning imkoni bo'lmasligi mumkin. Bu haqda "La Repubblica" nashri xabar tarqatdi.

Italiyada koronavirus soat sari keng tarqalib borayotgani bois, A seriyani 2 may kuni qayta boshlash ehtimoli tobora pasayib bormoqda. Shuning uchun qolgan vaqt davomida A seriya 12ta turni belgilangan vaqtda o'tkazishga ulgurmaydi.

Bundan tashqari, Italiyaning 5ta klubi evrokuboklarda ishtirok etayotganini inobatga olganda chempionatni 30 iyungacha yakunlashning imkoni juda past. Buning oqibatida esa A seriyaning teletranslyatsiyalar huquqidan topadigan daromadlari kamayib ketadi.

Shu sabablarga ko'ra, Italiya va Ispaniya chempionatlarining yakuni iyul oyiga ham o'tib ketishi mumkin.