«Chelsi» Natan Akening tovon pulini to'lashga tayyor

"Chelsi" "Bornmut" himoyachisi Natan Akeni sotib olish niyatida.

"Ko'klar" bosh murabbiyi Frenk Lempard 24 yoshli gollandiyalik futbolchining transferiga shaxsan qiziqmoqda, deb xabar beradi Sky Sports nashri.

London klubi futbolchining shartnomasida ko'rsatilgan 40 million funtni to'lashga tayyor.

"Chelsi" bu transferni iyul oyining boshida amalga oshirmoqchi.

Ma'lumot uchun, ushbu mavsumda Ake Angliya Premer-ligasining 23 uchrashuvida 2 ta gol urdi va 1 ta gollik uzatma amlga oshirdi.