O'zPFL Ilhom Mo'minjonov ishi yuzasidan surishtiruv o'tkazadi, murabbiyni katta miqdordagi jarima kutmoqda
/ Kiritdi: BestMaster Ko'rilgan: 7514
O'zbekiston Professional futbol ligasi Namanganning “Navbahor” klubi ayni damda Termizning “Surxon” klubi bosh murabbiyi lavozimida faoliyat olib borayotgan mutaxassis Ilhom Mo'minjonov ishi yuzasidan surishtiruv o'tkazadi. Bu haqda tashkilot xodimi Diyor Imomxo'jaev ijtimoiy tarmoqdagi sahifasida ma'lum qildi.
“Ilhom Mo'minjonov masalasida surishtiruv bo'ladi. Bo'lmagunicha qo'yilmaydi. Agar “Navbahor” bilan shartnomasi bor vaqtida futbolchi Aziz Turg'unboevni “Paxtakor”ga olib borgani isbotlansa, murabbiy katta jarima to'laydi. Bu jarima qolganlar uchun ham o'rnak bo'lishi uchun kerak.
Chunki keyingi safar bu kabi ish uchun shaxslarni ma'lum muddatga diskvalifikatsiya qilishga ham qarshi emasman. Bu masalada boshqa to'xtalmayman. Mabodo ish borishiga Namangan tarafdan qandaydir qarshilik bo'lsa, bu haqda ham ochiq aytaman”, deya ma'lumot bergan Diyor Imomxo'jaev.
Eslatib o'tamiz, avvalroq Ilhom Mo'minjonov xorazmlik futbolchi Ro'zim Ahmedov bilan kelishmovchilikdan so'ng, “Navbahor”ni tark etgandi.
Keyinchalik Mo'minjonov poplik futbolchi, O'zbekiston terma jamoasi yarim himoyachisi Aziz Turg'unboevni shartnomasi yakunlanmasidan avval “Paxtakor”ga olib borishda gumonlandi. Ma'lumki, ushbu transfer Turg'unboevning “Navbahor” rahbariyati bilan uchrashuvidan so'ng bekor bo'ldi.
Aziz Turg'unboevning «Paxtakor»ga transferi nega barbod bo'ldi? (sabablar)
«Navbahor» Aziz Turg'unboev bo'yicha rasmiy bayonot berdi
OAV: Ilhom Mo'minjonov «Navbahor» o'yinlarini sotgan...mi?
Ilhom Mo'minjonov Ro'zim Ahmedovga javob qaytardi (video)
Yana «Navbahor» mavzusi: «U ko'p narsani bilardi, bilganlarini aytsa, ularga yaxshi bo'lmasdi»
Bosh sahifaga
279