Aleksandr Mostovoy: "Futbol muammolarini keyin hal qilsa ham bo'laveradi"

Rossiya terma jamoasi va Moskvaning "Spartak" klubi sobiq futbolchisi Aleksandr Mostovoy butun dunyo kurash olib borayotgan koronavirus haqidagi fikrlari bilan o'rtoqlashdi.

"Evropaning bir qator mamlakatlari o'z chempionatlarini yakunlaganida biz ham ertami, kechmi shunday qarorga kelishimiz kerakligini aytgandim. Virusning bunday tez tarqalib ketayotgan paytda chempionatni to'xtatmaslik ahmoqlik bo'lardi. Go'yoki biz boshqa qit'ada yashayotgandekmiz. Chempionatni to'xtatib to'g'ri ish qildik, chunki vaziyat jiddiy tus olmoqda. Rossiyada kim chempion bo'lishni nima farqi bor? Kim xohlasa o'sha bo'laversin. Bu insonlarning salomatchiligi oldida ikkinchi darajali. Asosiysi - virus ustidan g'alaba qozonish, keyingi o'rinda esa futbol muammolari turadi", - dedi Mostovoy RIA Novosti bilan suhbatda.