Rasman. O'zbekistonning Armanistonga qarshi o'rtoqlik o'yini bekor qilindi

O'zbekiston terma jamoasining Armanistonga qarshi rejalashtirilgan o'rtoqlik uchrashuvi bekor qilindi. Bu haqda Armaniston futbol federatsiyasi rasmiy sayti xabar tarqatdi.

«Jahonning ko'plab mamlakatlarida koronavirus tarqalib borayotganini inobatga olgan holda Armanistonning mart oyiga belgilangan o'rtoqlik o'yinlari bekor qilindi. Shu tariqa, O'zbekiston – Armaniston (26 mart) va Qozog'iston – Armaniston (30 mart) uchrashuvlari o'tkazilmaydi», – deyiladi bayonotda.

Avvalroq FIFA milliy assotsiatsiyalarga mart va aprel oyidagi o'rtoqlik o'yinlarini bekor qilishni maslahat bergan edi.

Manba: footballhd.ru