«Arsenal» himoyachisi «Sporting» bilan bahs oldidan jamoaning maqsadlari haqida gapirdi

Londonning «Arsenal» klubi markaziy himoyachisi Gabriel dos Santos Chempionlar ligasi chorak finali doirasidagi Lissabonning «Sporting» jamoasiga qarshi javob uchrashuvi oldidan jurnalistlar bilan suhbatlashdi.

«Biz faqat oldinga qarashimiz kerak. Hozirda yaxshi holatdamiz, shuning uchun bor e'tiborimizni qolgan o'yinlarga qaratamiz. To'xtab qolmaslik lozim. Bu mavsumda o'zimizni juda yaxshi ko'rsata oldik. Yakunda nimalarga erisha olishimizni vaqt ko'rsatadi», – deya matbuot anjumanida ta'kidladi braziliyalik futbolchi.