Luis Enrike: «Endi hamma bizning chempion ekanimizni biladi»

«PSJ» bosh murabbiyi Luis Enrike jamoasining Chempionlar ligasidagi g'oliblik imkoniyatlari haqida o'z fikrlari bilan o'rtoqlashdi.

«O'tgan yili hamma bizni juda yosh jamoa bo'lganimiz uchun Chempionlar ligasida g'olib chiqa olmaydi, deb o'ylagandi. Endi esa barcha bizning chempion ekanimizni biladi, biroq biz o'sishda davom etishimiz kerak. Maqsadimiz ana shundan iborat», – deya Enrikening so'zlaridan iqtibos keltiradi UEFA.

Yarim finalda «PSJ» «Bavariya» yoki Madridning «Real» jamoasi bilan to'qnash keladi. Ushbu jamoalar o'rtasidagi dastlabki o'yinda myunxenliklar Madridda g'alaba qozonishgan (2:1).