Ana xolos! «Manchester Yunayted» Mourinoga iste'fosi haqida gapirishni taqiqlagan

«Manchester Yunayted» rahbariyati portugaliyalik mutaxassisga klubdan ketgani haqida har qanday fikr bildirishni taqiqladi.

«The Times»ning xabar berishicha, portugaliyalik mutaxassis ishdan ketgani haqida fikr bildira olmaydi, bu band kompensatsiya puli to'lanishi borasidagi kelishuvga kiritilgan. Soddaroq qilib tushuntiradigan bo'lsak, «Manchester Yunayted» Mourinoga kompensatsiya pulini to'liq to'lab beradi, Mourino esa klub haqida salbiy fikr bildirmaydi.

Eslatib o'tamiz, oldinroq Mourino yangi ish joyida (televidenie) «Manchester Yunayted» haqida gapira olmasligini ma'lum qilgandik.