Ispaniyada yana bir futbolchi koronavirusga chalindi

"Valensiya"ning frantsiyalik himoyachisi Elyakim Mangalya koronavirusga chalinganini ma'lum qildi.

"Test natijalari menda koronavirus borligini ko'rsatdi. Hozircha o'zimni yaxshi his qilyapman, hech qanday kasallik belgilari yo'q. Shunday bo'lsa-da, uyda izolyatsiyadaman hamda yaqinlarimdan alohida yashayapman", — deb yozdi Mangalya tvitterdagi sahifasida.

Xabarlarga ko'ra, "Valensiya"ning 5 nafar a'zosi koronavirusdan zararlangan. Ayni paytda Ispaniyada 5 ming atrofidagi odam ushbu virusni yuqtirib olgan.