Frantsiya chempionati rasman to'xtatildi

Frantsiya futbol federatsiyasi milliy darajadagi barcha futbol musobaqalari koronavirus tufayli to'xtatilganini e'lon qildi.

«Mamlakat prezidenti Emmanuel Makronning so'zlari bizni barcha futbol musobaqalarini to'xtatish va sog'liqni saqlash sohasidagi inqirozga qarshi kurashga e'tiborni qaratishga chorladi. Shu bois, milliy darajadaga barcha futbol turnirlarini to'xtatilganini ma'lum qilamiz. Sanitar vaziyat imkon bergunga qadar tanaffus e'lon qilinadi», – dedi FFF prezidenti Noel Le Gre.

Ma'lumot o'rnida. Italiya, Ispaniya va Germaniya chempionatlari ham to'xtatildi. Angliyada esa APL jamoalari navbatdagi reja borasida qaror qabul qilishadi.