«Arsenal» bosh murabbiyi koronavirus bilan zararlandi

«Arsenal» bosh murabbiyi Mikel Arteta COVID-19 konovirusi bilan zararlangani aniqlandi. Shu bois, jamoa bazasi yopildi, so'nggi paytda murabbiy bilan ko'p aloqada bo'lgan xodimlar karantinga joylashtirildi. Ular orasida murabbiylar shtabining barcha a'zolari, baza xodimlarining aksariyati, klub akademiyasi mutaxassislari bor.

Oxirga paytda Arteta bilan aloqada bo'lmagan «Arsenal» xodimlari yaqin kunlarda ishga qaytadi. Ungacha esa klub bazasi va akademiyasi hududi dezinfektsiya qilinadi.

«Juda xafa bo'ldim, lekin o'zimni yomon his qilganimda test topshirishga qaror qildim. Menga ruxsat berishganidan keyin ishga qaytaman», – dedi Arteta.