APL. «Liverpul» so'nggi soniyalarda g'alabani qo'ldan chiqardi: Risharlison «Tottenxem»ni mag'lubiyatdan qutqarib qoldi

Angliya Premer-ligasining 2025/2026 yilgi mavsumi 30-turidan o'rin olgan «Liverpul» va «Tottenxem Xotspur» jamoalari o'rtasidagi o'yin yakunlandi. Hakamning final hushtagi chalinganda hisob 1:1 ko'rinishini oldi. Uchrashuv Liverpuldagi afsonaviy «Enfild» stadionida bo'lib o'tdi. Bahsni bosh hakam sifatida Kris Kavana boshqarib bordi.

O'yinning 18-daqiqasida Dominik Soboslai hisobni ochib, mersisaydliklarni oldinga olib chiqdi. Risharlison esa 90-daqiqada javob to'pini kiritishga muvaffaq bo'ldi.

Ushbu o'yindan so'ng «Liverpul» 49 ochko bilan Angliya yuqori divizioni turnir jadvalida beshinchi o'rinda bormoqda. «Tottenxem Xotspur» esa 30 ochko bilan 16-pog'onani egallab turibdi.

Keyingi turda «qizillar» 21 mart kuni safarda «Brayton end Xouv Albion» bilan to'qnash kelishadi, «shporlar» esa 22 mart kuni «Nottingem Forest»ni qabul qiladi.

Angliya Premer-ligasi. 30-tur
15.03.2026 | 21:30
«Enfild», Liverpul

«LIVERPUL'» — «TOTTENXEM» — 1:1
Gollar: Dominik Soboslai 18 (1:0), Risharlison 90 (1:1).

«Liverpul»: Alisson, Robertson, van Deyk, Gomes, Soboslai, Makallister (Keza, 90), Gravenberx, Ngumoxa (Ekitike, 64), Virts (Djons, 64), Frimpong (Salax, 64), Gakpo (Noni, 84).

«Tottenxem»: Vikario, Spens (Olusesi, 76), Dregushin, Danso, Porro, Tel (Kolo Muani, 75), Sarr, Grey, Souza (Simons, 56), Solanke, Risharlison.