«Yigitlar ko'rsatgan xarakter bilan faxrlanaman». Kompani — «Bavariya»ning «Bayer» bilan durangi haqida

Myunxenning «Bavariya» klubi bosh murabbiyi Vensan Kompani Germaniya Bundesligasining 26-turida Leverkuzenning «Bayer» jamoasiga qarshi kechgan va 1:1 hisobida yakunlangan uchrashuv haqida fikr bildirdi.

«Yigitlar ko'rsatgan xarakter bilan juda faxrlanaman. Bu juda keskin va voqealarga boy kun bo'ldi, ayrim vaziyatlar bo'yicha turlicha fikrlar bo'lishi mumkin. Bu esa o'yin natijasiga ta'sir qildi. Uchrashuv boshida xatoga yo'l qo'yib, gol o'tkazib yubordik, ammo kurashni davom ettirdik. «Bayer» ham juda qat'iyat bilan o'ynadi. Bizdan esa katta sabr-toqat talab etildi», — dedi Kompani myunxenliklar klubining rasmiy saytiga bergan izohida.

Ayni paytda «Bavariya» 67 ochko bilan Germaniya chempionati turnir jadvalida peshqadam bo'lib turibdi.

Germaniya — Bundesliga, 26-tur
14 mart 2026 yil, shanba
«Bayer» (Leverkuzen) — «Bavariya» (Myunxen) — 1:1
Gollar: Garsiya, 6 (1:0). Dias, 69 (1:1).
Chetlatishlar: yo'q / Jekson, 42; Dias, 84.