Runi «Aston Villa»ga qarshi o'yin oldidan: «MYu»ning hujum chizig'i — himoyachilar uchun dahshat»

«Manchester Yunayted» sobiq hujumchisi Ueyn Runi APLning 30-turi doirasida «Aston Villa»ga qarshi bo'lib o'tadigan o'yin borasidagi fikrlari bilan o'rtoqlashdi.

«Agar men «Aston Villa» futbolchisi bo'lganimda, «Old Trafford»ga borishdan ne naf?» deb so'ragan bo'lardim. «Manchester Yunayted» tarkibida Benjamin Sheshko ajoyib formada, umuman olganda hujum chizig'i juda kuchli ko'rinmoqda — bu himoyachilar uchun haqiqiy dahshat», — deya ta'kidladi Runi.

Ekspertning so'zlariga ko'ra, ayrim o'yinlarni kurash sifatida qabul qilish mumkin, ammo bu bahs «xuddi mag'lubiyatni qabul qilib olish uchun safar qilishdek tuyulmoqda».

Runi «qizil iblislar»ning ayni damdagi formasi jamoani raqiblar uchun, ayniqsa, o'z maydonida o'ta xavfli qilayotganini alohida qayd etdi.

Hozirda «Yunayted» chempionatda 51 ochko bilan 3-o'rinni egallab turibdi, to'rtinchi o'rindagi «Aston Villa» hisobida ham xuddi shuncha ochko mavjud.