Leon Goretskani qo'lga kiritishga asosiy da'vogar nomi ma'lum bo'ldi

Avvalroq Myunxenning «Bavariya» klubi yarim himoyachisi, 31 yoshli germaniyalik Leon Goretska jamoa bilan shartnomasini uzaytirmasligi va yozda erkin agent sifatida klubni tark etishi ma'lum bo'lgan edi.

Xabar qilinishicha, Turinning «Yuventus» klubi futbolchi bilan shartnoma imzolash imkoniyatiga jiddiy qiziqish bildirmoqda. Qayd etilishicha, italiyaliklar bunday darajadagi va tajribali o'yinchini jamoaga bepul qo'shib olish g'oyasiga ishtiyoq bilan qarashmoqda.

Shuningdek, turinliklar uchun nemis futbolchisi so'rashi mumkin bo'lgan maosh miqdori hali ham katta masala bo'lib qolmoqda. Transfermarkt portali Leonni 15 million evroga baholagan. Goretska joriy mavsumda 35 ta o'yinda ishtirok etib, 2 ta gol urdi va 1 ta golli uzatmani amalga oshirdi.