Manba: Mbappe "Manchester Siti"ga qarshi o'yinda jamoa qaydnomasida bo'ladi, ammo...

«Real» hujumchisi Kilian Mbappe Chempionlar ligasi 1/8 finali doirasida 17 mart kuni «Manchester Siti»ga qarshi bo'lib o'tadigan javob uchrashuvida asosiy tarkibda maydonga tushmaydi. Bu haqda Diario Sport nashri xabar bermoqda.

Manbaning ma'lumotlariga ko'ra, frantsiyalik futbolchi jarohatidan so'ng tiklanish jarayonini davom ettirmoqda. U jamoa bilan birga Manchesterga yo'l oladi, biroq o'yinni zaxira o'rindig'ida boshlaydi. Shu bilan birga, Mbappe bahs davomida maydonga tushish niyatida.

Eslatib o'tamiz, dastlabki uchrashuvda «Real» «Manchester Siti»ni 3:0 hisobida mag'lubiyatga uchratgan edi. O'sha o'yinda Federiko Valverde xet-trik qayd etgan.