Gyuler o'z maydonidan turib urgan goli haqida gapirdi

Madridning «Real» klubi yarim himoyachisi Arda Gyuler La Liga doirasida «Elche»ga qarshi kechgan bahsda (4:1) aql bovar qilmas gol muallifiga aylandi.

21 yoshli futbolchi uchrashuvning 89-daqiqasida maydonning o'z jamoasiga tegishli qismidan turib zarba yo'llagan holda raqib darvozasini ishg'ol qildi.

«Mavsumning eng chiroyli goli? Rahmat, gol haqiqatan ham ajoyib chiqdi, men juda xursandman. Darvozabon noqulay pozitsiyada turganini ko'rdim, shu bois shunchaki zarba berib ko'rishga qaror qildim va bu golga aylandi», — deya Gyulerning o'yindan keyingi intervyusidan iqtibos keltiradi Ispaniya OAVlari.