La Liga. «Real» dahshatli gollar kiritilgan oqshomda «Elche»ni tor-mor keltirdi (Videosharh)

«Real» Ispaniya chempionatining 28-turi doirasidagi o'z maydonida kechgan bahsda «Elche»ni mag'lub etdi — 4:1.

Mezbonlar tarkibida Antonio Ryudiger, Federiko Valverde, Din Xyoysen va Arda Gyuler gol urishga muvaffaq bo'lishdi. «Real» himoyachisi Manuel Anxel esa o'z darvozasini ishg'ol qilib qo'ydi.

Gyuler 68 metr masofadan yo'llagan zarbasi bilan gol urdi. Bu Ispaniya chempionati tarixidagi eng uzoq masofadan urilgan gol bo'lib, uni 2004 yilda «Numansiya» futbolchisi Antonio Xosening «Sevilya» darvozasiga yo'llagan zarbasi bilan qiyoslash mumkin. Shu bilan birga, 1995 yildan beri «Real»ning biror-bir futbolchisi La Ligada o'z maydoni yarmidan gol urmagan edi. Oxirgi marta bunday natijani Mikel Lasa «Sevilya»ga qarshi o'yinda (58 metrdan) qayd etgandi.

«Real» barcha turnirlarda ketma-ket uchinchi g'alabasini qo'lga kiritdi. Jamoa 28 ta o'yindan so'ng 66 ochko bilan Ispaniya chempionati jadvalida ikkinchi o'rinni egallab turibdi.

«Elche»ning g'alabasiz seriyasi 12 ta o'yinga etdi. Jamoa La Liga jadvalida 17-o'rinda bormoqda (28 o'yindan so'ng 26 ochko).

Ispaniya La Ligasi. 28-tur
14.03.2026 | 01:00
«Santyago Bernabeu», Madrid

«REAL MADRID» — «EL'ChE» — 4:1
Gollar: Ryudiger 39 (1:0), Valverde 44 (2:0), Xeysen 66 (3:0), Manuel Anxel 85 — avtogol (3:1), Arda Gyuler 89 (4:1).

«Real Madrid»: Kurtua, Ryudiger (D. Aguado, 61), Xeysen, F. Garsiya, Karvaxal, Tchuameni (Arda Gyuler, 58), Pitarch (Palasios, 64), Kamavinga, Valverde (G. Garsiya, 58), Vinisius Junior (Yanez, 58), Dias (Manuel Anxel, 63).

«Elche»: Dituro, Petro (M. Aguado, 64), Affengryuber (Bigas, 74), Chust, Valera, Sangare (Pedrosa, 23), Redondo (Mir, 64), Febas, Sepeda (Xosan, 64), Andre Silva, Neto (Diangana, 74).

Ogohlantirishlar: Kamavinga (55) — Valera (62), Affengryuber (66), Mir (88).