Zamonaviy beshkurash bo'yicha O'zbekiston chempionati o'tkazildi

Toshkentda zamonaviy beshkurash bo'yicha O'zbekiston chempionati bo'lib o'tdi.

Respublika Olimpiya va Paralimpiya sport turlariga tayyorlash markazi mezbonlik qilgan bellashuvlarda mamlakatimizning turli hududlaridan tashrif buyurgan sportchilar bahs olib borishdi.

Qiziqarli bellashuvlar yakunida Sherzod Ahmedov hamda Mehriniso Qahramonova oltin medallarga sazovor bo'lishdi. Musobaqa davomida murabbiylar shtabi terma jamoa zaxirasi uchun bir qator yoshlarni saralab oldi.