"Hech kim buni kutmagan edi": "Liverpul" bosh murabbiyi jamoaning omadsiz mavsumiga izoh berdi

"Liverpul" klubida mavsum bunchalik qiyin kechishini kutishmagan edi. O'tgan yozda klub transfer bozorida qariyb 500 mln evro sarfladi, biroq bu tezkor muvaffaqiyatga olib kelmadi. Hozirda "qizillar" Premer-liga jadvalida oltinchi o'rinni egallab turishibdi va chempionlik uchun kurashdan chiqib bo'lishgan.

"Yangi futbolchilar sonini hisobga olsak, oson bo'lmasligini tushunardik, lekin hech kim, jumladan men ham voqealar rivoji bunday bo'lishini kutmagandik. Ko'plab o'yinchilarni yo'qotib, ularning o'rnini boshqalar bilan to'ldirganda, doimo o'tish mavsumiga tayyorgarlik ko'rasiz, biroq hammasi bunday ko'rinish olishini xayolimizga ham keltirmagandik. Buning ko'plab turli sabablari bor, lekin men ularni har safar eslatib o'tishni istamayman", – deb fikr bildirdi "Liverpul" bosh murabbiyi Arne Slot "Tottenxem"ga qarshi o'yin oldidan.

Mersisaydliklar yakshanba kuni o'z maydonida "shporlar"ni qabul qiladi, uchrashuv Toshkent vaqti bilan soat 21:30 da boshlanadi.