Arteta: "APLda hatto "Barselona" ham boshqacha o'yin ko'rsatishga majbur bo'lardi"

So'nggi paytlarda "Arsenal" faqat natijaga yo'naltirilgan o'yin uslubi uchun tanqid qilinmoqda. Jamoa bosh murabbiyi Mikel Arteta bu mavzuda o'z fikrlarini bildirib o'tdi.

"Gap g'alaba qozonish imkoniyatini oshiradigan tarzda o'ynash haqida ketmoqda. Bor gap shu. Yaqinda "Nyukasl" va "Barselona" o'rtasidagi uchrashuvni tomosha qildim. "Barselona" — Evropadagi eng jozibador o'yin ko'rsatadigan jamoalardan biri. Biroq ular shiddati yuqori va o'tish fazalarida juda kuchli bo'lgan APL jamoasiga duch kelishdi. Natijada biz butunlay boshqacha o'yin ko'rdik. Men "Barselona"ni ilgari bunday holatda ko'rmagandim. Bu — "Nyukasl"ning ulkan yutug'i. Biz mana shunday ligada o'ynayapmiz. Ispaniyada "Barselona"ning bunday o'ynashini ko'rmaysiz", — dedi Arteta jurnalistlarga.

Eslatib o'tamiz, "Arsenal" shanba kuni, 14 mart sanasida APL doirasida "Everton"ni qabul qiladi.