Luis Enrikega «umrbod» shartnoma? Jurnalist «PSJ»ning asl rejalarini ochiqladi

Le Parisien jurnalisti Dominik Severak «PSJ» bosh murabbiyi Luis Enrikening kelajagi borasidagi savolga javob berdi.

— «PSJ» Luis Enrikega umrbod shartnoma taklif qilishi haqida mish-mishlar yuribdi. Bu haqda qachon aniq ma'lumotga ega bo'lamiz?

— Bu ma'lumot noto'g'ri. «PSJ» Luis Enrikega shartnomani 2030 yilning o'rtalarigacha uzaytirishni taklif qilmoqda. Hozirda uning amaldagi shartnomasi 2027 yilning yozigacha mo'ljallangan.

Luis Enrike qo'l ostida «PSJ» shu kungacha 10 ta sovrinni qo'lga kiritdi, xususan, ikki bor Frantsiya chempionligi va bir marta Chempionlar Ligasi kubogiga ega chiqdi.

«PSJ» o'zining navbatdagi o'yinini seshanba kuni, 17 mart kuni Chempionlar Ligasi 1/8 finali doirasida safarda «Chelsi»ga qarshi o'tkazadi.