Rasman: Dortmundning "Borussiya"si ikki nafar tajribali futbolchisi bilan xayrlashishini e'lon qildi

Dortmundning "Borussiya" klubi himoyachi Niklas Zyule va yarim himoyachi Salix Ozdjan bilan xayrlashishini ma'lum qildi. Har ikki futbolchi joriy futbol mavsumi yakuniga etgach, jamoani tark etadi.

Zyule hozirda 30 yoshda, u dortmundliklar tarkibiga qariyb to'rt yil avval "Bavariya"dan o'tgan edi. Uning faoliyatida avvalroq o'zining qadrdon klubi "Xoffenxaym" ham bo'lgan. Ozdjan ham 2022 yildan beri "Borussiya" sharafini himoya qilib kelmoqda. O'tgan mavsumda kelib chiqishi turk bo'lgan ushbu nemis futbolchisi "Volfsburg"da ijara asosida to'p surgan edi, biroq joriy mavsum boshlanishidan oldin Dortmundga qaytgandi.

"Borussiya" Chempionlar Ligasining pley-off bosqichida musobaqa bilan xayrlashdi. Bundesligaga kelsak, hozirda "arilar" turnir jadvalida "Bavariya"dan 11 ochko ortda qolgan holda ikkinchi o'rinda borishmoqda.