Rosenor "Chelsi" darvozabonlari va Yorgensenning xatosi haqida gapirdi

"Chelsi" bosh murabbiyi Liam Rosenor jamoa darvozabonlari haqida o'z fikrlarini bildirdi.

"Men "Aston Villa"ga qarshi o'yinda Yorgensenni tushirishga qaror qilgandim va u ajoyib o'yin ko'rsatdi. Menimcha, "PSJ"ga qarshi bahsning 75 daqiqasini ham u yuqori darajada o'tkazdi. U xatoga yo'l qo'ydi va biz buning uchun jazolandik. Biz yutqazmasligimiz kerak bo'lgan o'yinda mag'lub bo'ldik.

Sanches — APLning eng yaxshi darvozabonlaridan biri. Darvozabonlarimizning mahoratiga shubham yo'q. Hamma narsa mening har bir o'yin oldidan qabul qiladigan qarorimga bog'liq. Yorgensen xatodan keyin "Nyukasl"ga qarshi o'ynashga tayyormi? Albatta. Hamma xato qiladi. Muhimi — muvaffaqiyatsizlikka qanday munosabat bildirishingiz. Men har bir futbolchiga ishonaman", — dedi Rosenor matbuot anjumanida.

Shanba kuni, 14 mart kuni "Chelsi" o'z maydonida "Nyukasl"ni qabul qiladi.