Fede Valverde — «Siti» kushandasi: Urugvaylik yulduz 60 yillik rekordni yangiladi

Urugvaylik yarim himoyachi Federiko Valverde «Real»ning «Manchester Siti»ga qarshi o'yinida (3:0) bosh qahramonga aylandi. Fede uchta gol urib, Alvaro Arbeloaning murabbiylik nufuzini oshirish bilan birga, jamoasining Chempionlar ligasi chorak finaliga chiqish imkoniyatini keskin kuchaytirdi.

Ma'lum bo'lishicha, Valverde oxirgi 60 yil ichida Chempionlar ligasida xet-trik qayd etgan «Real»ning ilk yarim himoyachisiga aylandi. Ungacha bu natijani faqat bir futbolchi — Xose Martines Sanches, ko'pchilikka Pirri nomi bilan mashhur afsona uddalagan edi. Pirri o'shanda Kiprning «AEL Limassol» jamoasiga qarshi o'yinda uchta gol urgan.

Qiziqarli jihati shundaki, hozirda hayot bo'lgan Pirri «Manchester Siti» bilan bahs paytida stadionda klubning faxriy prezidenti sifatida bevosita ishtirok etdi va o'z rekordi takrorlanganiga guvoh bo'ldi.