Endrik "Lion"da 11 ta o'yinda 10 ta golda qatnashdi

Endrik «Lion» jamoasiga «Selta» bilan bo'lgan o'yinda mag'lubiyatdan qutulib qolishga yordam berdi.

«Real»dan ijaraga olingan hujumchi Evropa Ligasi doirasidagi bahsning 87-daqiqasida gol urib, o'z jamoasiga durang taqdim etdi — 1:1.

19 yoshli braziliyalik futbolchi Frantsiya klubi safida o'zining 11-o'yinini o'tkazdi. Ushbu davr mobaynida u 6 ta gol urdi va 4 marta sheriklariga golli uzatmani amalga oshirdi.